一連四集《少女摸摸茶》找來幾位潮爆網絡界的少女作嘉賓，與動主播汶汶「摸」着茶杯底，盡吐心中所想，展示網絡下的神秘一面！
記者：方榆汶　攝影：馮嘉文

今集請來韓國達人張厚耀（Sue）作嘉賓，由起初YouTube拍片教韓文，至今天當上韓國旅遊大使，究竟眼前這個90後是如何做得到？「我本身讀時裝設計，同現時做緊嘅嘢毫無關係！畢業之後好彩搵到份畫廊工，而畫廊嘅老闆就提意我去介紹韓國藝術館，之後就出咗第一本書《藝遊首爾》，同時開始喺Youtube拍《韓語小教室》，教人韓文。」遇上伯樂當然幸運，但Sue所擁有的儍氣亦是她的本錢！她直言拍片時，自己經常口吃又大頭蝦，根本不打算會有人看。某次更是毫不修剪，直出被相機絆到的滑稽畫面。但就因此發現，大多觀眾愛看她不加修飾的部份，會因她的「論盡」而大笑。「如果可以帶畀人正能量嘅話，我唔介意再跌幾次！」

自己是半個韓國人，家鄉有着如此多花美男，任誰也想投進韓男的懷抱！可是Sue就偏偏愛港男，「我媽媽叫過我唔好嫁韓國男仔，尤其係上一輩韓男，太大男人，又唔做家務，反而香港男仔肯聽女仔講乜，尊重你意見。」不過Sue說香港女生不用死心，現在90後的韓男其實都比較懂得撒嬌，變得溫柔多了。聊這麼久，Sue到底揀韓男還是港男，留待片中揭曉！

工作遇上伯樂，出了書；拍片獲網民賞識，爆紅；短片被電視台睇中，邀做韓國節目主持；書本《藝遊首爾》被韓國觀光公社留意到，獲委韓國旅遊大使，密密兩地飛，是不少人夢寐以求的職業。說那麼多，不是要晒盡Sue的威水史，而是想向大家說明，凡事只要試，就有機。「其實機會來到我面前，好多嘢我都未試過，係新挑戰。如果你一開始就覺得我唔識呀都係拒絕啦，咁所有機會都會變成人哋。」所言甚是，年輕人要勇敢，別怕失敗！

談到韓國，又怎能少了各位最愛的《Running Man》、BIGBANG……等等巨星畫面！一般追星90後都是隔着螢幕看星星，可是Sue已經出現在鏡頭前，拿着咪牌訪問光洙、智孝和GD了……教人如何不葡萄！「我當時係毫無心理準備要見佢哋，光洙一來到就問問題啦，係之後睇番相先知真係同佢影咗相呀，之後先識緊張！」事實證明，任誰在韓星面前，都立即變回小粉絲。吃不到的葡萄還有更多，能私下和韓星接觸，希望他日這些機會，會輪到我。「有次做金鐘國全日翻譯，一開始我見到佢都冇乜嘢，韓國男生一個，但當喺酒店脫咗件外套，展示咗啲肌肉印出來，我同全體女工作人員一齊大叫，然後我自己都話佢啲肌肉好勁！」聊到這裏，我已酸死。

朱古力是快樂來源，眾所周知！要Sue用一杯飲品代表自己，她就選朱古力，不過就別有原因「朱古力呢個飲品係好多女仔血糖低時，用來補充營養嘅，我都想似朱古力咁，畀到人活力！」光看妳《韓語小教室》扮鬼扮馬的畫面，已感活力了。

韓國旅遊大使
生日：1990年6月22日（24歲）
出道年資：2年
著作：《藝遊首爾》2013年3月
《Miss Sue Chang韓語小教室 - 餐飲實戰篇》2013年7月
《Miss Sue Chang吃喝玩樂學韓語》2014年7月
《Miss Sue Chang旅遊韓語手冊》2014年12月

鳴謝
場地提供：Let's Jam 一起果醬