「我哋呢座樓嘅居民要去街市、巴士站,一定要行呢條樓梯,但係條樓梯設計成咁,又直又跣,條邨又多老人家,行上行落,成日見啲老人家跌倒,但房屋署又唔理。」李女士所指的是葵盛邨盛國樓旁一條共有四十多級的長梯級。
長者一步一驚心
葵盛邨位處山上,各大廈間,以及邨內設施如街市及停車場,均以電梯連貫,但連貫盛國樓的就只有一條三層樓高樓梯。而這亦是盛國樓居民出入主要通道。居民李女士投訴稱,一年前,房署將原用的鋼沙樓梯級嘴拆去,改用不銹鋼級嘴,便常見有長者跣倒。
「嗰啲級嘴好跣,尤其落雨天更滑,啲阿婆又要攞柺杖,又要扶梯邊,梯級又細又滑,好危險,成日見到佢哋跌倒。」她說,居民多次向房署反映及要求加裝扶手電梯,但房署沒有回應。
李女士稱,居民如果棄用樓梯,便要行一條「大斜路」,所花的氣力及時間更是長者難接受。
本報記者訪問葵盛邨街坊時發現,大部份長者行經該條樓梯時都「小心翼翼」,緊握扶手,有一步一驚心之感。部份受訪者指不銹鋼樓梯級嘴容易令人滑倒,而樓梯斜度太斜,居民上落相當困難,希望房署加設扶手電梯。