【韓流】宋仲基撐《軍艦島》發佈會 自爆唔知歷史覺羞愧
軍艦島蘇志燮宋仲基
由韓國新一代男神宋仲基、蘇志燮、黃政民、李貞賢等人主演嘅新片《軍艦島》,將於下月喺韓國上映,香港亦定檔於8月10號上映。
今日一眾演員就現身發佈會,為電影造勢,當中宋仲基就以化身做黑馬王子示人,而蘇志燮就西裝骨骨出現,兩大型男不分上下。
由於呢齣電影係宋仲基自神劇《太陽的後裔》後嘅作品,所以外界都相當重視,現場仲吸引唔少傳媒來採訪。
宋仲基喺現場話原本佢都唔了解有關軍艦島嘅歷史,反而係通過綜藝節目《無限挑戰》先真正了解,佢坦言對於自己當初唔認識感到好羞愧,拍攝時亦都令自己充滿咗壓力。同時亦都自言今次同這班超班工作人員合作覺得係一次好寶貴嘅經驗。