當年今日
關於我們

【圖輯】 千嬅囝囝動物園開P龍虎熊雲集

蘋果日報 2013/05/25 06:00


眨吓眼,Torres已經一歲了。邊個Torres?丁小朋友是也,丁子高同楊千嬅個寶貝仔Torres呀。今日丁生丁太喺金鐘萬豪酒店幫佢開咗個生日會,會場佈置到成個動物園咁,有長頸鹿,又有波波,嘉賓方面包括林珊珊、劉浩龍、甘比同姨甥及女兒秀樺、何超蕸、汪詩詩、SaSa太子女郭詩慧(Melody)等等。

千嬅母子扮鬆弛熊,丁子高就扮大笨象,Torres。受訪時千嬅話: 「丁子高玩到格胳底濕晒,我就得底衫,除咗就冇0架喇。」 千嬅又話,一早叫嘉賓唔使買禮物,捐錢做善事,仲話原本想幫Torres搞百日宴,但佢話: 「嗰陣我好肥,唔想見人,但好多朋友想見囝囝。」 千嬅又表示所有善款會以囝囝名義捐俾特殊學校: 「自己擁有嘢係社會畀,想同社會分享。」



逢周五隨《蘋果日報》附送嘅時尚美容雜誌《add》第四期經已出版,大家仲可以上《add》嘅官網 http://add.appledaily.com睇足本網上版。除咗有陳妍希專訪,仲有好多時裝靚嘢睇!