莫雷拉剛周三（22日）晚又中三元，今季累積已贏124場頭馬。周日（26日）賽事各駒配搭及排位已於今早（23日）公佈，當然又要第一時間睇吓雷神騎啲咩馬啦！

莫雷拉周末（25日）晚上參戰杜拜世界盃賽馬日，由於航班關係，故周日頭兩場雷神不上陣，要到第三場才開始有座騎並騎至尾場，其八匹座騎分別為「皇龍大將」、「八心之友」、「鐵男」、「陽明秋秋」、「喜悅繽紛」、「怪獸家長」、「世界紀錄」及「知多福」。

當中苗禮德近兩次與莫雷拉合作的「威德將軍」及「龍城猛將」均贏馬而回，今次練者將一對王牌馬「世界紀錄」及「知多福」齊齊交予雷神發揮，當然值得優先留意。