屯門友愛邨愛禮樓垃圾站揭發女嬰屍體案，警方翻看cctv及後鎖定疑人，掩至愛智樓拘捕涉案的同居情侶，姓麥(43歲)男子及其姓陳(28歲)女友。陳女涉嫌殺嬰，姓麥男友則涉嫌隱瞞嬰兒出生。街坊蘇太表示，兩夫婦及其子女是近年才見他們出入上址，相信他們是新搬入邨內居住，兩夫婦無業，領取綜援金，「平時佢哋都帶晒小朋友出街，會去食早餐，一齊買餸，然後返屋企，兩個仔女都有讀書，但唔知讀乜嘢學校，一家人好少同人打招呼。」蘇太直指不覺陳女有身孕，與一般人無異。「我聽到（殺嬰）消息都感到好震驚！有咗唔想要咪畀人湊，唔使咁樣！」

而與疑犯住同一層的鄰居梁太表示，完全不察女疑犯有身孕，「佢好瘦㗎，成家都咁瘦，連小朋友都畀同齡的瘦，佢哋屋企養咗隻黑狗。」她指涉案家庭「成家人都唔同人講嘢，唔出聲，連BB仔喊聲都聽唔到，個女人又成日著鬆身衫、波褲，唔覺有咗。」她又指夫婦倆衣著普通，有時小朋友亦有大陣尿味。梁太對殺嬰事件表震驚。

《蘋果》到涉案夫婦居住的單位了解事件，從外望入單位內，發現家居佈置簡陋，床褥全放在地上，其中一張床褥更破爛不堪，家具極少，夫婦養飼的一隻黑狗在屋內走來走去，不時發出吠聲，屋內亦傳出一陣異味。

你敢爆，我敢獎！ 即Call《蘋果》24小時爆相爆片熱線 ：63836568