潘頓、田泰安及雷神都夫卜上陣，相信騎師王不外乎其中，潘頓依然牌面最好，四駒來自為爭奪冠軍的大摩馬房，第五場「猴王駒」向來難出頭，難得冠軍騎師肯騎，擺明有計。另外，第十場李寶利的「太陽威威」，贏完再試大閘，有心添食。

第五場四班1400米：三T場次，彼此都有缺點場合，原本最睇好「熱血鬥士」前景，初跑1400米但排14檔有疑點，「嫡愛摯寶」落班好，但仍是處女馬，「天意」易位難贏。

「猴王駒」同樣有上述情況，但用到潘頓，翻睇上仗史卓豐直路之演出，再加埋大摩賽前的準備工夫誠意十足。上仗同程C加3欄排14檔已經蝕章，起步留到最後，轉彎三疊，入直路掟出九疊，由三百米開始計起連抽39鞭，搏晒老命輸畀一步不蝕的「盈華盛甲」跑第二。

「猴王駒」拼後隔四日返從化操練兩星期，剛周四（5月30日）回巢沙田，禮拜五（5月31日）朝罕見安排彈四百米泥閘，從以上種種動態顯示，大摩決心替此駒贏番一仗。

---------------------------
【六四30】守住歷史 拒絕遺忘
https://hk.adai.ly/zdzKtt2RiW