今日黃凱芹去到旺角，為發燒碟《煇黃時期》舉行簽名會，仲宣佈下個月20號喺香港大會堂舉行音樂會。

今次新碟黃凱芹翻唱黃霑同顧家煇嘅作品，但佢就大嘆多首經典歌如《狂潮》、《家變》等版權難購：「搵歌真係有難度，啲版權喺晒老牌唱片公司手上，有錢都買唔到。」

黃凱芹坦言都想買番自己嘅歌曲版權，但版權費特別貴，所以下次再出發燒碟都會選人哋嘅歌。