【本報訊】高永文說要依法處理桂林夜市小販，不過高官所依的法，也有一些例外。本報先後發現，沒有水貨客的上水彩園邨、旺角山東街、黃大仙港鐵站外，有小販趁新春冒着走鬼風險出來擺檔，帶來串燒、咖喱魚蛋、雞蛋仔等地道美食，當中黃大仙夜市有二十多檔，人龍處處。
黃大仙港鐵站旁的新年夜市，踏入大年初一凌晨人氣鼎盛，二十多檔熟食檔生意極好。有軍裝警員巡邏途經，也未有掃大家興。有小販表示，該處小販集中地應該屬房屋署管轄範圍，他們只在農曆新年才在該處擺檔，平日則在天橋底營業，「食環有權管我哋㗎，但呢度係傳統嚟。」有小販擔心桂林夜市被滅，食環署魔掌遲早會伸到黃大仙。

市民：支持夜市存在

旺角大街夜市開不成，但山東街在大除夕晚，仍有數檔小食檔冒險開檔，售賣滷味和燒魷魚等小食；有網民也在網上介紹九龍灣一年一度的「橋底夜市」，今年成功「開張」，重點推介炭爐雞蛋仔、生菜魚肉、混醬夾餅、臭豆腐等。
在上水，彩園邨居民莫小姐表示，邨內停車場入口處自歲晚起，夜裏都有十多檔小食檔營業，前晚不少居民行完年宵後，都特別走過來這個上水夜市買東西回家「醫肚」。她指屋邨保安只守住彩圃苑入口，未有驅趕小販。莫小姐支持夜市存在，「以前都係咁，冇乜影響，好多人都係買返屋企食，佢哋又唔會叫賣，所以以為好嘈、污糟係錯覺。」她指論衞生情況，水貨客在邨內平台拆貨裝貨，情況更差。
■記者馬志剛、倪清江