韓國女團2NE1喺2009年5月17號正式出道，當年2NE1由CL、Sandara、朴春同敏智組成，不過上月5號敏智正式宣佈退出，令2NE1由四人團變成三人團。

雖然2NE1以三人繼續發展，但一眾粉絲依然覺得2NE1係四人女團，就連隊長CL都好有心，佢噚日喺2NE1成軍7年呢個大日子，就上載一張2NE1嘅照片，並留言：「+BLACKJACKONELOVE+」，BlackJack係2NE1粉絲嘅稱呼，睇嚟CL都好掛住佢哋四個一條心嘅日子，而粉絲亦都留言話希望佢哋四人可以一齊回歸，有粉絲就大讚CL係好好嘅隊長，雖然敏智已退出，但依然冇忘記呢位昔日好姊妹。