當年今日
關於我們

  生力啤廣告玩盡特區三雄 - 李八方

蘋果日報 2002/01/24 00:00


生力啤嘅廣告出名鍾意玩嘢,今次重玩到阿董、煲呔同阿松。話說生力最新一輯廣告,搵咗三個分別自稱董志華、曾勘權同梁金松的人拍宣傳照,三人分別是專業人士、煲呔收藏家同釣魚發燒友,齊齊揸住罐啤酒,旁邊大字標題「飲生力 有雙糧」,一睇就知玩緊邊個。
到底宣傳乜嘢要咁出位?原來生力喺新年期間(25/1至22/2),買六罐就有大抽獎,最啱俾人扣減雙糧的打工仔。因為三十位頭獎,可以現兜兜得到一份年尾雙糧,上限三萬。就算唔好彩失業,都最少有一萬落袋。
生力話眼見香港一片裁員減薪,哀鴻遍野,於是在新年期間沖沖喜,向市民送份大禮。不過特首同兩位司長治下的香港,打工仔淪落到飲啤酒先有機會抽獎攞雙糧,佢哋都應該飲啤酒背脊落。


E-mail:[email protected]