香港著名經典漫畫《怪異集》，將由文化傳信投資拍攝成1000集網劇，首個單元「恐怖整容」將由陳啟泰（Ken）擔任主持，周子龍及趙詠瑤演出，眾演員今日去到九龍塘出席開鏡拜神儀式。

陳啟泰自稱離開亞視後，首項長時間拍攝工作，Ken話:「我暫時簽30集，主辦單位話最少可以拍幾百集，7月開始喺Youtube免費播放，之後進軍大陸市場。我做主持，導演叫我客串埋，我話唔好，唔想好似亞視咁，7點係我，8點又係我。」曾參選ViuTV《美選D.n.A》嘅趙詠瑤，喺戲中飾演沉迷整容角色，趙詠瑤話:「我曾經整容，自己諗番都覺得危險，亦唔應該整，戲中角色越整越衰。」