蒙嘉慧(Yoyo)同諸葛紫岐噚晚喺尖沙嘴出席活動，曾經同苟芸慧合作《仁心解碼2》嘅蒙嘉慧力撐佢唔係小三：「覺得佢好單純，好努力工作，有時2、3take做得唔好都好激動，覺得佢做人好簡單，做好自己手頭工作，希望傳媒對佢仁慈啲，相信佢係簡單同好人，唔識表達自己，相信佢唔係第三者。」

提到郭富城同熊黛林拍拖七年分手，佢同伊健就七年結婚，Yoyo就話每個人有自己諗法，想大家關注工作多啲，佢同TVB約滿，不過o依家仲未落實同HKTV合作，但有意返國內掘金。

另外，諸葛紫岐透露日前因食咗菜敏感睇醫生，身形肥咗少少，不過就否認有孕。因為H7N9嘅關係，佢都減少去北京。