最近網上瘋傳喺新東補選得票大躍進嘅西貢區議員方國珊嘅青春照，其後100毛又推出「政界女神」對比圖，細味政壇女將踏入政壇前後嘅分別。

估唔到呢幅圖，令田北辰好有感觸，佢喺facebook出po話：「哪吒青春照你就見得多，政界俊男你又認得幾多個？」，然後話100毛話「政治催人老，青春好快無」，「恕我不敢苟同啦」，繼而指「我哋」呢班服務香港多年嘅「政界男神」，不單無被歲月磨蝕，反而仲好似陳年佳釀，愈黎愈有魅力，仲話呢個回合，似乎男子組贏一截喎。

帖文附圖叫大家「猜猜我是誰」，四張那些年「政界男神」，大家又估唔估到係邊幾位？（八方相信都幾易估，但點解那些年政界男神，個個都係四眼仔？）

順帶抽下水。如果大家對哪吒青春照念念不忘，不妨重溫佢嘅【八方相當年】（ http://bit.ly/2GHpu0b ），泳裝或者喇叭照，一應供全。

《蘋果》沙士15周年系列網站，正式登場：
https://hk.feature.appledaily.com/sars15/