建立呢個群組嘅網民LomoSSuport喺fb度話,寫真集絕對係書嘅一種,啲o靚模亦只係身體力行去sell自己嘅努力,質問「為何其他所謂有文化之士要趕絕她們呢?」仲羅列咗心目中o靚模嘅特徵:
‧身高5呎5吋至10吋無罪,這樣才是東方女性美
‧青春、健康
‧多元化工種(產品發佈、記者招待會、fashionshow等)
‧身價廉宜,但絕對唔係cheap!
呢位網民仲寫咗個電郵畀八方,炮轟反o靚模集團,「作為一個電車男,我實在無法忍受香港一眾『道德塔里班』用明光社的復古道德有色眼鏡,來評頭論足這些十七八歲的o靚模!」佢仲建議反o靚模群組嘅發起人同成員不如裝綠壩,過濾全部o靚模「袒胸露肉」嘅相,一了百了。