艾朗素今季F1多次因為機件故障而退賽，呢位麥拿侖車手都忍唔住示意本田引擎表現極差，據悉麥拿侖都計劃同本田終止合約，下季轉用雷諾引擎。

不過，麥拿侖CEO札克布朗（Zak Brown）早前透露，如果2021年新一代F1引擎嘅造價合理，車隊就會考慮自行研發引擎，唔使再靠廠商供應：「我哋未試過自主研發引擎，因此要預留更多時間同資金。車隊會認真考慮呢件事，不過我哋先要了解規則同花費，我哋想頂獨立、有競爭力嘅引擎，而唔係隨便放個引擎裝落車用。」