【本報訊】擔任職工盟培訓中心行政總監的鄧燕梨，與陳偉強合作泡湯令職工盟損失過百萬，但兩人並未翻臉，陳更被指拉攏鄧與乒乓球會洽談合作。球會負責人稱，去年10月，陳說要介紹一名「猛人」給他認識，並在一個BBQ聚會中與鄧見面，當時陳提及與鄧合作不成是因職工盟「財政有問題」，在旁的鄧燕梨未作澄清。

鄧燕梨否認是朋友

記者首次接觸鄧燕梨時，她力數陳偉強不是，「有裝修工友話陳生拖糧，又有人嚟職工盟搵我話同陳生合作喺大屋開紅酒舖，畀咗定金同裝修好後做唔到生意」。鄧稱不會再與陳合作。對於被陳拖欠的109萬賠償下落如何，她當時說：「呢啲會計部門管，我唔清楚。」
記者跟陳對質後再找鄧燕梨，她改口說一直積極向陳追討賠償，當記者質問她與陳的關係，為何陪陳會見乒乓球會負責人時，鄧緊張地澄清她是上門追討陳賠償時「巧遇」陳。又與陳劃清界線：「唔可以界定為朋友。」陳偉強前下屬畢先生則透露，鄧在接觸記者後私下向陳「通水」，她又曾陪畢跟陳「和談」，陳鄧關係耐人尋味。
職工盟秘書長李卓人昨為小姨及陳解畫，指鄧一直有滙報事件始末，「有啲嘢都唔關佢（陳）事，係再培訓局收緊審查用地條件，我哋註冊唔到間學校，佢（陳）願意畀番109萬，係『幫』番我哋轉頭」。李卓人形容一直有「緊張」追討，「始終要向董事局同執委交代，加上個會家財赤，109萬當然係好重要」。李表示會與陳草擬賠償協議書，容許他分期還款。