「玩具大王」蔡志明的次女蔡加穎日前自殺，其姊兼應屆東華總理蔡加敏昨日接受記者電話訪問，回憶亡妹生前點滴。蔡加敏透露亡妹五年前精神開始受困擾，需定期接受精神科治療，奈何她力求完美，心結難解。

億萬富豪蔡志明次女、二十六歲的蔡加穎日前於其九肚山別墅燒炭自殺結束生命，記者昨日以電話聯絡上身為大家姐的應屆東華總理蔡加敏，對於胞妹突然離世，蔡加敏表示一家人十分傷心。
與妹妹感情特別深厚的蔡加敏說：「我哋一家人好傷心，始終一家人一齊生活咗咁多年。我同佢十幾歲就一齊去英國、美國留學，喺外國地方佢唔開心，我已經特別照顧佢。」

睇精神科醫生
對於妹妹精神受困擾，蔡加敏說：「妹妹自細性格已經好悲觀、好灰，其實五年前已經帶過佢去睇精神科醫生，有定時食藥。不過，好多嘢好難明白，外人好難明佢諗緊啲乜，加上佢係一個力求完美嘅人，考試有九十五分都唔開心，要攞足一百分。佢太追求完美，畀自己好大壓力，爹哋媽咪已經唔會畀壓力佢。」
問蔡加敏曾否着妹妹結識男朋友？她說：「可能佢要求太高，想搵一個好好嘅男仔。」她又表示全家上下都有細心開解蔡加穎，蔡加敏說：「我哋一家人一向有開解佢，希望佢可以慢慢改變。之前另一個妹妹同細佬喺外國返嚟陪佢，而爹哋一放工，就返屋企同佢傾偈。」

「媽咪好心痛」
此外，提到有報道把蔡志明的好友陳妙瑛牽涉入蔡加穎燒炭身亡事件，蔡加敏說：「其實呢件事唔係一件好事，媽咪睇完之後好心痛，妹妹係因為有病先自殺。」最後，蔡加敏表示一家人正忙於籌備妹妹的身後事，她祝福妹妹說：「祝福佢去一個更好嘅地方。」
採訪：JessicaNgan