韓國馬舞大叔PSY嘅演唱會將於19日喺首爾開鑼，過往佢喺演唱會上都會反串扮女人搞笑，曾經扮過美國歌手Beyonce，又曾扭巨籮扮韓國女歌手宣美趴地赤腳演出，而今年被他睇中惡搞嘅目標，就是曾演出其神曲《江南Style》MV嘅泫雅。

前日，PSY喺微博公開個唱最新海報，著露背長裙嘅他坐喺兩隻大猩猩中間張口大笑，海報上寫住「紅，禮服」，似乎係預告將於個唱上演唱泫雅嘅歌曲《Red》。