今晨（31日）臨近收操時份，正當人去樓空時，葉楚航馬房參戰馬「勝在煌」 、「神電金剛」、 「贏馬神器」、「紅駿之星」及「放馬過來」等駒，卻列隊往內圈加課踱步，莫非避人耳目？期間，練馬師航少親自押送馬隊往返，舉動唔嘢少。
事實上，呢個華將嘅元旦日參戰馬，如上述各駒，賽前紛紛安排由大師傅連課快跳考驗，早見明刀明槍打磨，絕對係有備而來，今晨星期日除夕朝，練者依然到場監督操練，似乎心中有馬。