出席今日（28日）集會的人士都表明會參與下周二的集會，要向中共的極權說不。

出席集會的阿星指，自己5年前的9.28身處金鐘，亦記得當時「食」了人生第一枚催淚彈，感到震驚和氣憤。5年後的6.12，阿星見到不少年輕人走在前線，「我今年30歲，點解要將責任推畀年輕人？」感謝年輕人之餘，自己亦由5年前的後排轉任前線，不過阿星亦慨嘆，「出嚟遊行抗議畀政府聽，唔知點解變成每次都冒住生命危險出嚟」。

對於網民發起十一遊行，阿星認為在中共建政70年當日有抗爭活動「係個signal，其實話畀中國聽，唔係你想點就點」，又認為十一是今次逆權運動的新起點，亦是對中國的宣戰。「國慶嘅時候，好多人係不滿你嘅政權、你嘅處事手法」，認為在十一抗爭可逼令中共政府面對香港人的訴求，「你唔係用強權去管治，你要聽佢哋（香港市民）說話」。

Nathan指5年前在警方發射催淚彈後，才到金鐘作物資協助。Nathan直言，當年是一般「和理非」，現時亦開始包容抗爭者的升級行動，「源於現實中嘅一啲行政或者制度上嘅暴力」，形容抗爭者升級行動「係香港人嘅一啲反饋」。對於當年首次面對催淚彈感到震驚，但現時催淚彈已是不少抗爭的「最低消費」，Nathan認為「大家習慣嘅話其實唔係好事」。

Nathan認為十一港人抗爭的意義，在於令中共知道港人仍然堅持多個月來的訴求，「和理非又好、其他角色都好，係應該藉住呢個機會，向政權表達訴求」。

出席集會的曾小姐指，5年前的9.28和母親一同到金鐘，最難忘是港人在馬路紮營十多日，反映港人相當堅持。曾指，5年前的雨傘革命失敗，但港人吸取不少經驗今年捲土重來，「亦唔會因為林鄭搞個見面會就覺得平息咗」。曾小姐坦言早兩三年不少港人亦會到內地「飲喜茶」，「後生仔有朋友叫你飲喜茶你都會去，我都有去」，但經過反送中一役，「我唔會返去囉，因為過到去就未必有機會返嚟」。

曾強調自己每一次抗爭均會就席，十一亦不例外，「我哋而家已經無得退後㗎喇！」又認為政府取消升國旗及煙花匯演是「身有屎」，「十一出嚟要畀中國人知道香港發生咩事，更多人出嚟就係話畀全世界人聽發生咩事」。

Simon今日帶同不足10歲兒子到場，稱自己從6月9日起，只缺席3次，不認為集會地點危險，「有事先帶個仔離開」。Simon直言5年前「無乜意識，淨係開工，同埋睇住電視」。當年警方施放80多枚催淚彈，已認為「好離譜」，Simon繼而苦笑，「但而家一日都唔止呢個數」。

5年過去，Simon指6.12及7.21令不少人政治覺醒，他亦是其中一位，「相信香港人有良知、唔係弱智嘅都知咩事」。Simon認為十一中共建政70年當日，港人更應出來發聲，「落佢（中共）面係主流意見」。

-----------------------------

10.1國殤遊行

日期：10月1日（星期二）
時間：下午2時
地點：維園集合起步往遮打道
註︰警方正式發信反對

主辦︰民間人權陣線
-----------------------------
【撐學生】
召集有心人 撐學生全年睇《蘋果》
立即按此
-----------------------------
百日特刊記載香港人逆權之路
《逆權百日》
《自由之夏》
-----------------------------
《囚牢之疆》 專頁
揭開集中營邪惡面紗
今日新疆 明日香港