【中醫說理】唔適合食素？
蘋果日報 2020/09/06 06:00
陳俊傑茹素中醫素食
茹素行醫十多年，醫術一般，但由於不用動物藥，所以較多茹素病人。
常有初診患者說：「我睇咗幾個中醫都叫我食返少少肉，但我真係唔想，希望你會ok啦！」
我：你食咗幾耐素？有咩想改善？
病人：我食咗8、9年，近2年成日攰，又瞓唔好，又周身痛，又……（好多小問題），我睇咗幾個中醫，食咗成年藥，食嗰時好少少，但無食一陣又係咁，醫師話我身體唔適合全素，一定要食返少少肉。
詳細了解茹素年份，飲食方法，病程經過和看了其他醫師方藥。方藥精簡，思路清晰，雖不知醫師名字，但肯定水平是可以，藥效亦應速且佳。
我：主因似乎係其他嘢，同食唔食素未必太大關係。
看法不同，極平常，根據自身經驗用藥建議方法自然不同，亦無高低之分。
多數是生活習慣差和年齡增長的身體變化引起的不適，用藥可好轉，但若能慢慢改善生活習慣，就更好。
幸好，因這個原因來診的病人，也好轉和表達滿意，亦未有斷送他人茹素之路。我醫術一般，是他們配合得好。
要了解別人的飲食習慣，需要技巧。直接問：你噚晚食咗咩，得來通常是飯、菜、都係嗰啲，過於精簡，對了解病情無幫助，需要連調味料，和煮法也知道。問一餐也這麼辛苦，而需要知道連續3至4天所有食飲東西，就更花時間。
我： 勞煩影呢3日嘅食物同飲品、零食，就算係一粒nut都要影，下次畀我睇吓。
有些人覺，幾粒堅果，少少飲品、餅乾、糖……無關係，但魔鬼在細節，通常都是這些出現問題，看病就是要「有者求之，無者求之」。
亦有些曾經茹素的人來診，他們心地很好，想保護動物，可惜茹素初期，接觸到當時流行而不適合普通港人的飲食，而他們又很有心的，全照著做。結果，數月後頭暈，胃納差，經亂。
不招人忌是庸才，每種學術、飲食習慣、人，都有討厭他的群眾；但若群眾太多，也要想想有無改善地方。沒有無緣無故的恨，錯誤、不正確和「識啲唔識啲」就誇大某些飲食方法的情況一直也很流行。
撰文：註冊中醫師陳俊傑
-----------------------------
《蘋果》英文版免費試睇：了解更多
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！