陶大宇同郭可盈當年演出嘅《刑事偵緝檔案》系列，的確唔少人回味呢對螢幕情侶，每逢重播，亦會掀起一陣熱潮。不過有唔少觀眾發現，喺第二輯大宇叫Jessie，即係郭可盈嗰陣，Jessie嘅讀音變得相當撲朔迷離，「啫時」、「遮匙」一下子變得難分辯。(新聞連結： https://bit.ly/2KbvcZd )

呢對螢幕情侶今晚喺將軍澳現身《刑偵》飯局，可盈仲帶埋囡囡出席，大宇同可盈一齊接受訪問，大宇話：「我哋真係好耐冇見，只係有時喺大陸啲商演遇見。」可盈就話：「我間中睇，呢套劇都20幾年，估唔到大家有呢個熱情，真係好難得，」

大宇亦主動重提被質疑發音，佢笑笑口話：「大家仍然質疑我叫得唔準，其實已經澄清咗好耐，硬係叫你做車匙都應我喎！其實真係有好多回憶，可能用啲感情嗌講歪咗少少，發錯咗啲唔準嘅音。」可盈話點都係一句，算喇！

精選娛聞，喺晒《娛果》
http://fb.com/appledailyent