地產多聲道：彌敦道街舖熱烘烘
蘋果日報 2004/09/11 00:00
受惠於自由行兼朗豪坊效應，旺角彌敦道街舖當旺，出現唔少放盤同成交。
大鴻輝較早時以兩億售出彌敦道七○一號番發大廈商場，隨即掀起一陣熱潮，美聯獲委託，標售彌敦道七○七至七一三號，銀高國際大廈地下A一舖，千二呎，投資者麥姑娘一月以三千三萬向福輝珠寶買入，福輝以每月近二十萬租回，現連約售，目標四千八萬，本月二十三日截標。
嘉信置業亦代理標售彌敦道七○五號全幢，七千四呎，估值八千五萬，本月二十八日截標。據悉，彌敦道六四八號地下六福珠寶舖，千五呎，剛以近億售出，呎價六萬八。該舖由耀才證券葉茂林，幾年前以五千萬買入，收緊四十五萬租。
露底牌碧濤買貴貨
樓價升咗五成幾，搞到好多買家卻步，但竟然重有買家肯高價追貨，唔通真係咁睇好後市？
世紀21奇豐分行經理陳國成話，沙田碧濤花園一期百利閣高層D，千二呎，以三百零五萬售出，每呎二千五，高市價一成。買家係隔籬屋C室業主，計劃購入打通為相連戶。
聽講，單位原放售價二百九萬，見鄰居想買，即刻兩度反價，雙方足足傾咗個半月至達成交易。
買家俾賣方知道底牌志在必得，結果冇得減之餘，重要再畀多十五萬，真係唔知有乜感想呢？
大鴻輝較早時以兩億售出彌敦道七○一號番發大廈商場，隨即掀起一陣熱潮，美聯獲委託，標售彌敦道七○七至七一三號，銀高國際大廈地下A一舖，千二呎，投資者麥姑娘一月以三千三萬向福輝珠寶買入，福輝以每月近二十萬租回，現連約售，目標四千八萬，本月二十三日截標。
嘉信置業亦代理標售彌敦道七○五號全幢，七千四呎，估值八千五萬，本月二十八日截標。據悉，彌敦道六四八號地下六福珠寶舖，千五呎，剛以近億售出，呎價六萬八。該舖由耀才證券葉茂林，幾年前以五千萬買入，收緊四十五萬租。
樓價升咗五成幾，搞到好多買家卻步，但竟然重有買家肯高價追貨，唔通真係咁睇好後市？
世紀21奇豐分行經理陳國成話，沙田碧濤花園一期百利閣高層D，千二呎，以三百零五萬售出，每呎二千五，高市價一成。買家係隔籬屋C室業主，計劃購入打通為相連戶。
聽講，單位原放售價二百九萬，見鄰居想買，即刻兩度反價，雙方足足傾咗個半月至達成交易。
買家俾賣方知道底牌志在必得，結果冇得減之餘，重要再畀多十五萬，真係唔知有乜感想呢？
樓市轉熱，工貿銀主盤都爭崩頭，中記話，荃灣時貿中心十三樓二千四呎單位，銀主接到四名買家洽購，遂以暗標方式價高者得，最後有客出價三百一十萬，每呎千三投得，竟然較銀主意向價二百八萬高一成二。
據了解，近荃灣地鐵站嘅工貿樓只有兩幢，除時貿中心外，就係只租不賣嘅新領域廣場。時貿呎租九蚊，回報逾八厘，高過住宅倍幾，難怪投資者咁踴躍。
冷門住宅區大嶼山梅窩，近排都多咗貨拍賣。銀運路梅窩中心C座五字樓C1室，四百八呎，連二百二呎天台，噚日拍賣，開價六十八萬，最後因唔到價收回。
代理忠誠拍賣行話，業主現以協議方式放售，意向價八十八萬。
除咗梅窩中心，同區嘅家樂閣，較早時都有單位拍賣。梅窩區數埋得嗰十幾幢住宅，都係幾層高為主，單位多極有限。
各代理行為擴充而煩惱。蘭西聽利嘉閣董事總經理何紹章呻，話遭對手挖角，搞到元氣大傷。
佢話，利記好數嘅分行，畀同行高薪撬走啲topsales，若果要再培養番，都要一段時間，但眼前就肯定生意額大受影響。
何董話，對手有啲係開定分行至去請人，不惜撬同行員工，係採用「兩敗俱傷」手法。總之係市好又煩，市唔好又煩啦。
蘭西
電郵地址：
碧濤花園業主，為買隔籬單位，打通做相連戶，遭對方兩度反價，要畀多十幾萬至買到，認真始料不及。
何紹章話，成績好嘅夥計，俾對手撬走，搞到元氣大傷。