《古惑仔》系列自90年代出現之後就極速風靡全球華人，到今時今日都有唔少未嚟過香港嘅外地人以為銅鑼灣成街古惑仔，陳浩南山雞等角色當然深入民心啦，但係其實《古惑仔》系列入面嘅奸角都非常出位。

吳鎮宇
本身斯斯文文嘅吳鎮宇做變態佬其實都有一手，o靚坤形象癲癲喪喪，獨特嘅聲音演繹仲帶出咗幾分江湖味，就算喺第一齣《古惑仔》已經被巡警射殺，喺後面嘅系列都老是常出現。

張耀揚
外形威猛嘅張耀揚佬味十足，本身形象江湖味已經極重，做起古惑仔上嚟自然入型入格，喺系列中張耀揚有成三個角色，仲要個個都係大反派，其中烏鴉虐殺細細粒嘅情節真係夠晒入肉。

邱淑貞
出晒名性感得嚟又有氣質嘅邱淑貞原來都做過《古惑仔》系列嘅奸角，喺《古惑仔2之猛龍過江》入面飾演台日混血兒丁瑤，本來係台灣黑幫大佬嘅情婦，同山雞有一段情，之後殺死黑幫大佬嫁禍陳浩南，最後被踢爆陰謀被山雞殺死。