「由始至終政府同銀行都係遮遮掩掩，冇一個fullpicture（全面情況）畀苦主去做決定」。雷曼苦主大聯盟前召集人陳光譽退下火線多時，仍滿腔怒火。他指09年7月22日16間分銷銀行提出回購方案，成為迷債最大持有人，今次終極方案勢必通過，「我唔敢講係陰謀論，但大家可見到兩次回購嘅邏輯關係」。

「政府對市民唔住」

陳光譽表示，雷曼苦主08年12月曾考慮到美國集體訴訟，因為當時苦主仍是迷債持有人，惟翌年銀行回購逾九成苦主的迷債，持有人身份轉換成各間銀行，故今次有權向美國破產法庭接納終極方案，「如果當日苦主不接受，銀行冇可能可以向（美國）法庭攞返抵押品」。
陳光譽直言回購比例不公，前年沒接受方案，今天亦可能拒絕。他妻子07年12月購買中銀香港16萬元迷債，「太太以為係債券，根本唔知買咗係雷曼債券」。他指，多年來苦主上街示威無數次，有人自殺，更多人患情緒病，但政府從未就監管不力致歉，「到今天政府都唔肯認錯，係對全香港市民唔住」。
同樣購買了中銀香港100萬元雷曼迷債的葉珍坦言，前年逼於無奈接受該行提出的六成回購，但至今仍爭取百分百賠償，「渣打ELN（雷曼股票掛鈎票據）都賠足九成半」。
葉珍又批評銀行提出的特惠款項是「掩口費」，意圖洗脫違規銷售的嫌疑，「咩叫特惠？當我哋乞兒咩，攞咗就唔好再煩佢咁」。
本報記者