當年今日
關於我們

【李八方online】「藍精靈」毛漢接抗疫物資轉贈少數族裔

蘋果日報 2020/03/05 13:00

冠狀病毒武漢藍精靈李八方ONLINE社區抗疫基金

近期所有「貼地」香港人,個個忙於搵口罩,但咪以為搵口罩係易事,皆因不同群組都有不同需要,有冇諗過一般掛耳式口罩,未必最適合部份少數族裔?因為佢哋有時因為衣着服飾關係,用普通掛耳式口罩會冇咁方便,綁帶式口罩就fit好多。
有啲機構原來都有留意到少數族裔嘅具體需要,新世界鄭志剛捐錢成立嘅「社區抗疫基金」,最近就特別向香港族裔共融聯會捐出一批防疫物資,其中55,000個口罩中,絕大部份都係綁帶式口罩,使用時既方便又快捷,同時亦有提供500支搓手液同1,000個口罩、消毒噴霧、濕紙巾嘅「抗炎包」,畀聯會派發畀有需要嘅少數族裔。
呢次捐贈行動,香港族裔共融聯會共同創辦人、曾經被水炮車噴成「藍精靈」嘅毛漢(Mohan Chugani)有份促成,毛漢亦專程去到有唔少少數族裔學生就讀嘅地利亞修女紀念學校(協和),聯同校方接收抗疫物資,毛漢話今次係有意義嘅善舉,會將物資分畀有需要嘅非華裔港人。
而新世界自設嘅兩條口罩生產線,據知4月投產,屆時可以日產20萬個成人同小童口罩,疫情持續時會透過非牟利機構免費派畀基層市民,創造共享價值,同時斥資約1,000萬元同本地科研公司Master Dynamic合作,研發將有專利嘅納米鑽石(NanoDiamonds)技術轉移至製造口罩嘅物料,以生產出新一代低成本殺菌口罩。
-----------------------------
【未敢忘記】03年沙士重溫
立即按此
-----------------------------
無懼警暴 學懂自救
《抗暴之戰●法例須知》讀果 上架
-----------------------------
《果GYM》隨身播  健身壹App過!
empty
由於服飾關係,唔少少數族裔都對綁帶式口罩需求較為殷切。受訪者提供相片