張立基噚晚現身九龍灣《恐懼鬥室之狂魔再現》首映，九十年代張立基曾經簽過陳自強，佢話當年佢係啱啱離開亞視，之後就同陳自強簽咗三年合約，後來因為離開香港，就冇再簽，都冇咩機會見，所以當佢聽到陳自強離世消息，都覺得好愕然，佢話：「好可惜、好愕然，有啲惋惜見唔到佢最後一面。好耐冇見佢，呢一兩年都有聽到佢有病，可惜冇時間見面，佢係一個好Nice，好照顧藝人嘅人，當年好照顧我。」

另外，趙慧珊同余香凝原來喺入行前已經認識，仲係好朋友，趙慧珊話：「未入行做Part-time Model，佢唱歌好，又好認真，皮膚又好，做皮膚測試，佢同13歲小妹妹一樣，搞到自己好冇信心。」余香凝聽到趙慧珊咁講，即刻回謝：「之前好我好baby fat，好似一個波咁，自己都想試下唱跳，不過，就跳到好似猩猩咁，有時間都想佢教下我，佢平時放片上網，都好性感，好誘人，我好羨慕。」