當年今日
關於我們

【旺角開騷】湯寶如兒子要返學缺席感無奈 4首新歌演唱會獨家唱

蘋果日報 2019/09/04 17:19

湯寶如

湯寶如今日於尖沙嘴舉行記者會,宣布下月14日假旺角麥花臣場館舉行一場音樂會,她表示去年灌錄了4首新歌,更首度與伍樂城、黎小田等音樂人合作,帶給歌迷新的感覺,不過湯寶如表示新歌只會在音樂會中獻唱,並不會派台。
提到下月4日是她的48歲生日,湯寶如最初計劃在生日開騷,可惜沒有檔期,她表明鐵定只演一次,因為不想太大負擔,今次主要是以歌會友,而挑選麥花臣場館也是因為可以跟觀眾有近距離接觸,她說:「嗰晚會唱4首新歌,希望觀眾喺現場有多啲感覺,唔派台係唔想又要周圍宣傳咁辛苦,之後如果出實體碟,都會係Hi-Fi碟。」
問到她的兒子屆時會否去捧場?湯寶如無奈說:「佢之前喺紅館睇咗一次,之後冇嚟過,連我主持嘅節目都冇睇,佢話第二日要返學,所以唔去。平時喺屋企練歌,佢都叫我返房唱,我都慣咗,等佢返學先練。」
採訪:馬建華
攝影:沈健程
empty
湯寶如今天出席記者會,宣佈下月開騷。
empty
她說鐵定只演一場,以歌會友,更會唱新歌。
empty
被問到兒子會否去捧場,湯寶如無奈表示兒子以翌日上學為由拒絕。