【不老傳奇】保方:季尾會掛靴 除非......
祖雲達斯意大利保方掛靴
已征戰沙場廿多年嘅祖雲達斯門神保方依然老當益,到依家仲係意大利嘅正選門將,似乎打到50歲都仲得。保方就話佢會喺今季季尾掛靴,但如果祖記今季攞到歐聯冠軍,就會繼續踢落去,但係就冇講踢到幾時。
保方接受天空體育訪問嗰時,就話:「今季會係我嘅最後一季,而我亦都揸定主意。打多一年或兩年,對我嘅成就唔會做成任何影響,除非祖記今年贏到歐聯,之後我哋就會攞到世冠盃嘅參賽資格,到時我同施捷斯尼就可以一人打一場。」
39歲嘅保方1991年已經出道,至今已為祖記上陣近500場。如果保方最尾決定唔掛靴,睇嚟最傷心嘅應該會係施捷斯尼,因為後者肯定冇得出。