【新增內容】
現年30歲嘅韓劇《爸爸好奇怪》男星李準，去年10月低調入伍，以現役陸軍身份服役，不過上月就突然驚爆李準喺軍中試圖自殺嘅消息，嚇親粉絲及其家人，隨後李準所屬嘅事務所表示，到軍營了解事件後，澄清李準冇割脈，亦冇被送到「Green camp」接受教育及輔導，但就承認李準患有恐慌症。

而今日李準所屬嘅Prain TPC娛樂就表示，李準入伍後一直有接受恐慌症嘅治療，但情況冇好轉：「李準接受咗正式嘅兵務廳嘅手續程序審查，於上周五被判定唔適合作為現役士兵服役，最後被編入預備役，將以社會服務要員(即公益兵)完成剩餘嘅兵役，目前李準正等待通知到新嘅服役機關及日期。」預計於明年7月23號退伍。

另外，由於有唔少質疑藝人享有特權可以以公益兵完成服役，今日韓國陸軍方面就強調絕對冇優惠藝人，表示係透過正規嘅程序及檢查才確認李準編入公益兵。同時表示陸軍方面係通過專門部門嘅檢查及確認，聽取專家意見後才有定案，即使一般軍人都要接受同樣程序。

更多韓流，喺晒《娛果》
http://fb.com/appledailyent