【養咗兩年冇事】林鈺洧哭訴與愛犬齊被逼遷 另覓住處人狗共融
林鈺洧bagel
林鈺洧養了Bagel兩年,未有提及期間有沒有收過投訴,但她形容「我隻狗咁乖」。(IG圖片)
林鈺洧會帶Bagel遊車河,亦有帶愛犬玩水。(IG圖片)
星二代林鈺洧擔任model、拍戲拍電視劇,早前接受《蘋果》訪問,講到入了娛樂圈,才拉近了與爸爸林俊賢的父女關係。任何明星都有一般人的生活習慣,林鈺洧就有養貴婦狗Bagel,亦有專誠為Bagel開專頁紀錄生活狀況。
不過林鈺洧今日就拍片說遇到波折,她紅着眼抱着Bagel自拍:「有一晚打風,我帶咗佢落去行,因為濕晒所以我冇放佢入袋,就咁返屋企。喺大堂當然有管理人員見到,過幾日我就收到電話,話『小姐呢度唔畀養狗,請你將隻狗帶走,佢唔可以再喺度住,如果唔係你都要搬走。』」話說至此,林鈺洧數度哽咽,又攬實Bagel悲呼:「點解咁樣啫」、「我唔想冇咗隻狗」、「我隻狗咁乖」,林鈺洧之後沒有再為自己辯護,只稱:「我會搬走。」與Bagel齊上齊落。
林鈺洧早在2017年4月就貼相歡迎Bagel成為家中一員,悉心為Bagel住處裝飾,會帶Bagel遊車河及到沙灘游水。
-----------------------------
【撐學生】
召集有心人 撐學生全年睇《蘋果》
立即按此 -----------------------------
《囚牢之疆》 專頁
揭開集中營邪惡面紗
今日新疆 明日香港