舊年11月一班日本AV女優訪台之前，因為有人收到短訊，話AV女優羽田愛會提供賣淫服務，搞到台灣移民局要睇實佢哋。其中一個被列入觀察名單嘅「暗黑林志玲」波多野結衣，今日就去咗台灣喇，不過就梗係唔係搞埋啲不道德交易，而係客串一個電視台嘅節目啫。

今次波多野結衣「又」扮演日文教師，不過咪諗太多住，今次佢拍嘅唔係愛情動作片，而係正正經經做戲，但呢句係導演講嘅。波多野結衣都話：「想大家看到不一樣的我，讓大家開心」。

講完靚女，近日訪台嘅仲有另一位日本名人，就係：登登登凳~~~名聞中外嘅拓也哥喇！拓也哥原來日前低調喺台灣，舉行粉絲聚會，入場位位500蚊新台幣(約128港元)。影相簽名冇問題，比多500蚊再講。聽講話現場拓也哥仲同啱傾嘅老友，分享佢手機入面嘅裸照，又大賣據講係根據佢喉嚨設計嘅情趣用品喎。