歐洲央行出新招救市，除注資銀行外，仲擔保埋銀行嘅信貸，消息即刻刺激亞洲股市上升，港股噚日就升咗超過1500點，好耐冇試過咁威，睇個勢應該仲有得升。

聽講話花旗都可能照辦煮碗，擔保銀行之間嘅信貸，如果係咁，銀行體系資金應該可以回復正常流轉，拆息亦可以逐步回落，股市就梗係會好番啲，可以把握機會買啲強勢股C輪短炒。
國壽C輪3619：國壽（2628）昨收26元，大幅反彈番16巴仙，並有大成交配合，升破27元就睇31元，睇個勢仲未升完，可以諗吓隻C輪3619，隻輪昨收37.5仙，有效槓桿3.5倍。
正股升上31元，3619可見67仙，正股跌穿24.50元就沽咗隻輪止蝕。
俊樺