當年今日
關於我們

【父親節】杜德偉披頭散髮抱囝 任達華錫囡:要學做滿分的好爸爸

蘋果日報 2017/06/18 11:23

任達華吳鎮宇杜德偉

今日係父親節,爸爸一向表達愛意比較含蓄,一切盡在不言中,默默為家庭付出,雖然開心日日都可以係「父親節」,不過今日就俾個機會自己,同呢位不怕辛苦、撐起成頭家嘅老竇講聲「愛你」吧!
唔少星級爸爸喺微博貼出合照,好似杜德偉上年尾迎接囝囝AJ出世,o依家有仔萬事足,閒時陪老婆同囝囝,今早喺微博貼出一起身就抱住囝囝嘅相,留言:「習慣每天醒來看見你甜美可愛的笑容,一切心滿意足,如果女孩們都是爸爸的前世情人,你這個小男孩便是我上輩子最好的手足!謝謝你來到我們家讓我有一個幸福的父親節。」
吳鎮宇早前同愛子Feynman上大陸親子真人騷,一向錫到囝囝燶,鎮宇早上喺網上貼出同Feynman嘅相,寫道:「養兒一百,長憂九十!意思是兒子啊!就算你有一百歲,作為父母的也會擔憂你到九十歲!我也希望大家都能活到那歲數,原來以前的你是那麼小的一個,我也差點忘了!謝謝你今天用父親節快樂把我叫醒。」
圈中公認好老公嘅任達華,由老婆琦琦率先「放閃」,琦琦貼出老公華哥同囡囡嘅相,留言:「父親節快樂,宇宙中最可愛最棒的Daddy,科科滿分的好爸爸。」而任達華亦好謙虛咁回覆:「我要學做一個滿分的好爸爸,祝父親節快樂!」
至於,任賢齊為工作成日要周圍飛,老婆Tina全力照顧一對仔女,今日父親節身在外地開工嘅小齊,喺微博貼出新戲造型相,「今天是父親節!謝謝大家的祝福,我都還沒搞清楚怎麼當好這爸爸的角色,一眨眼我的孩子都長大了,最近工作行程很亂,唱片專輯等待中,電影劇本和籌備不停要開會,但是嗓子不舒服,卻被醫生囑咐少說話,新戲造型又回到冷酷剛烈的樣子,哎⋯真是雞飛狗跳的六月天啊⋯不管如何,想到心肝寶貝歌詞中那段~只要有你 我就安心……父親節快樂!」
想隨時獲得更多親子資訊,快啲like Easy PaMa Facebook啦!
https://goo.gl/1qWM8g
empty
華哥一向視愛女,尤如「小情人」。微博圖片
empty
囡囡Ella都有去錄影廠探班。微博圖片
empty
杜德偉同囝囝AJ
empty
吳鎮宇同愛子Feynman
empty
任賢齊微博截圖