第74屆威尼斯影展將於香港時間周日凌晨閉幕，導演吳宇森翻拍70年代經典日片《追捕》，昨日率領新作主角張涵予、戚薇、韓國女星河智苑、日本名模岡本多緒及其女吳飛霞出席發佈會及首映禮，但另一主角福山雅治已早一步離開當地，今日身在日本為是枝裕和執導嘅主競賽電影《第三次殺人》於開畫日造勢。

《追捕》成為威尼斯影展非競賽單元作品，眾星悉心打扮出席首映盛會，岡本多緒職業病發作，於紅地毯上十足行catwalk一樣，喪擺甫士造出飄逸效果，而大陸女星戚薇都唔輸蝕，以女主角身份大派飛吻，而吳宇森都有帶埋太太與女兒現身。