無綫《獎門人》傳統：打和！

今屆港姐，讓大家見識到「所謂的選舉」。

每次打和，即平手，就由「校長」——鄭裕玲接個人喜好投最後一票，留意番，嘟姐本身已經投咗一票，即係，嘟姐有兩票。咁嘟姐憑甚麼去投呢「終極一票」？憑其個人喜惡。例如最初三選二要foul兩名佳麗出局時，又係打和，最後嘟姐投多一票，憑甚麼？就係個人喜好。

網民質疑：「選港姐冠軍仲兒戲過選班長。主席唔使落台都可以投兩票，戲劇性改變結果，香港立法會又有新目標啦！」雲海亦言：「從來無諗過，原來香港小姐冠軍係由嘟姐直接選出！好黐線！咁要會計師行嚟做乜？！」簡直仲兒戲過2012年朱千雪嗰屆，明明話全民投票但歷史性一刻死server，最後賽果又變番小圈子選舉。

講番個賽制，基本上就由十位星級導師去投票選出，去到每一場淘汰位，都會有兩至三個佳麗出嚟，由星級導師投票，但嗰幾位佳麗嘅專屬星級導師就唔可以投，咁就有機會出現同票；如果出現同票，就由校長鄭裕玲決定最終邊個得勝，但嘟姐本身自己都可以投票。

咁就好奇怪喇，去到決定亞軍同冠軍嘅時候，就出現一個情況，1號當時有4票，5號就有3票，當時嘟姐未投票。

咁嘟姐投咗俾邊個？就係投5號，咁即係4票對4票，即係又打和啦！又打和，即係又係嘟姐揀啦！