王贊強指,他仍在辦理父親身後事,同時為牌檔辦轉名,惟程序至少數個月。即使轉名成功,牌檔與領展的租約將於3月屆滿,仍須討論續約事宜。
現時檔位月租4萬,佔冬菇亭一半,他打算接連承租其餘一半,惟領展開價月租12萬元,並要求他用280萬豪裝餐廳,更規定除魚蛋粉外,須自行構思提供其他特色食物。王認為加租太多,倘成功續租食物也必須加價,「我唔明要點特色?魚蛋咪係我嘅特色囉,我咪建議賣快餐、加快餐店客飯,但佢哋(領展)話唔夠特色」。
店舖雖於1月23號已被取消牌照,王贊強仍堅持經營至2月13日,因不想在新年前解僱10多名夥計,「人哋都要過年,我都要諗夥計感受,畀少少時間佢哋搵工、出多啲糧畀佢哋」。惟食環得悉仍未結業,昨立即派員到場,指會票控無牌經營。
王說自己會承擔後果,「做老闆唔可以對夥計無情」,同樣因為情,他會盡最大努力與領展談判,續租現時舖位,因店舖是其父一生成就,「阿爸到最後一刻都提我守住間舖」。但最快今年6月才有機會重開。
毗鄰廣成麵家的牌檔樂記燒臘飯店,店員洪先生指,牌檔已經營30多年,出售碟頭飯和小食,領展向其老闆開天價租金和維修費,牌檔亦被迫於3月左右結業,「(領展)好無情,當我哋啲窮鬼係垃圾,我做咗60幾年人冇見過咁無理嘅」。領展拒透露向廣成和樂記開出的續租條件,只承認正於廣成和樂記傾談業務。