2018年係台灣歌手林曉培（Shino）入行20周年，為咗紀念呢個特別日子，佢將於明年1月13日喺澳門「威尼斯人劇場」舉行一場演唱會，Shino會以澳門演唱會作為首站，然後再去大陸巡迴演唱。

早前Shino專登飛嚟香港影演唱會海報，佢話因為合作團隊都喺香港，而今次影海報亦有別於其他歌手，大多數喺影樓影，而係浸喺水入面影。Shino話：「好多構思都來自自己，因為喜歡水，所以拍海報就想同水有關。」

拍攝相當氣氛只有20度，好彩影咗兩個鐘就影完。講到海報最特別嘅地方，就係Shino喺臉上畫咗幾條疤痕，佢話：「這個都是自己突然想出來的，今次演唱會主題是『重起』，也就是說我目前的心態，很多事發生了是擦不掉，也不能要求其他人擦去，自己就是一個有過去的人，現在要重新起動了。」

更多娛聞，喺晒《娛果》
http://fb.com/appledailyent