點先叫做紅到發紫？睇「新亨利」基利安麥巴比就知道。呢名摩納哥前鋒唔單止多球會吼，隊隊都想簽到呢名18歲嘅球員，就連兩大體育品牌「三間」及「一剔」就爭緊簽佢做代言人。據西班牙《體育報》報道，麥巴比喺轉為職業球員後就同一剔簽咗約，不過，份約就會完，所以三間睇準呢個機會，打算出價440萬鎊（約4,380萬港元）一年，以令到麥巴比成為三間最高薪嘅代言人；三間其餘嘅星級代言人好似巴塞隆拿嘅美斯同埋曼聯嘅保羅普巴咁，份贊助合約都係310萬鎊一年左右。當然，一剔亦唔敢怠慢，佢哋不斷游說及喺合約到加碼，希望麥巴比可以盡快續約。