慧嫻孖中性女助手黐實睇衫
蘋果日報 2015/04/08 00:00
【銅鑼灣】歌手陳慧嫻入行30年，其中一首作品《儍女》唱到街知巷聞，就連李逸朗早前翻唱呢首歌嘅哭腔亦受到關注。不過陳慧嫻情路一直都唔算順境，佢同區丁玉、醫生男友謝國麟最後都分手收場，近年有雜誌報道話佢同身邊喜歡作中性打扮嘅女助手Elson過從甚密。
【分開嚟行】
陳慧嫻同佢位喜歡作中性打扮嘅女助手Elson行到離行離列。
陳慧嫻同佢位喜歡作中性打扮嘅女助手Elson行到離行離列。
【除罩唞氣】
陳慧嫻喺家居店見人少少，卒之除咗口罩唞一唞氣。
陳慧嫻喺家居店見人少少，卒之除咗口罩唞一唞氣。
戴口罩掩人耳目
日前夜晚7點幾，慧嫻同一頭短髮嘅女助手Elson齊齊喺銅鑼灣行街。將頭髮染成金色嘅慧嫻戴住口罩，行喺馬路上完全冇人認得出，佢哋一齊行街嘅時候兩人都顯得有啲避忌，當入到I.T時裝店嘅時候兩人先表現得親密，喺舖頭入面有講有笑，不時交換揀衫心得。佢哋兩個喺時裝店足足逗留咗大半個鐘先離開，雖然唔係滿載而歸，但都顯得好滿意。
之後兩人去咗日本城睇家居用品，由於夜晚時間店舖入面較少客人，環境顯得冷清，慧嫻卒之放下戒心，除去口罩，佢同Elson亦行得較埋，仲聽到佢哋討論緊想買一啲掛衫嘅掛鈎。不過當一見有人行過時，慧嫻即火速戴番口罩，又同Elson保持距離。喺日本城大約逗留咗15分鐘左右，就搭的士離開。的士過海去到上水一私人屋苑，有別於早前慧嫻嘅獨立屋寓所，相信佢哋兩個目前正為新居添置用品。
採訪、攝影：畢紹基、陳辰、朱志聰、徐錦池
之後兩人去咗日本城睇家居用品，由於夜晚時間店舖入面較少客人，環境顯得冷清，慧嫻卒之放下戒心，除去口罩，佢同Elson亦行得較埋，仲聽到佢哋討論緊想買一啲掛衫嘅掛鈎。不過當一見有人行過時，慧嫻即火速戴番口罩，又同Elson保持距離。喺日本城大約逗留咗15分鐘左右，就搭的士離開。的士過海去到上水一私人屋苑，有別於早前慧嫻嘅獨立屋寓所，相信佢哋兩個目前正為新居添置用品。
採訪、攝影：畢紹基、陳辰、朱志聰、徐錦池
【返去新居】
兩個人上咗的士之後直駛去上水新居。
兩個人上咗的士之後直駛去上水新居。