【尿紫楊出事】轉發孫楊禁賽 保格俾小粉紅狙擊
蘋果日報 2020/03/01 14:55
孫楊游泳保格
保格因為轉發孫楊俾CAS罰停賽嘅消息而被狙擊。
曾經效力勇士並且奪得2015年NBA總冠軍嘅澳洲中鋒保格（Andrew Bogut），上星期五喺Twitter轉發咗中國泳手孫楊俾國際體育仲裁法庭（CAS）判罰停賽嘅消息，留言Nmsl（你媽死了嘅普通話拼音縮寫）仲加上幾個笑到流眼淚嘅表情符號，結果引嚟大批小粉紅狙擊。
有狙擊保格嘅網民上載澳洲山火嘅時候影到隻袋鼠嘅相，留言Nmsl同一場大火，中間仲有幾個心心符號。有人更加上載咗張有保格車頭相嘅P圖，相入面寫住沉痛哀。對於有人喺保格Twitter留言，話如果佢下次去中國，將會周圍都搵到牙齒，有人就回應話︰「佢（保格）7呎高，中國人大概可能只係伸展到佢臀部。」
對於保格用到Nmsl，香港有網民讚佢識玩，亦有人話「Bogut竟然知nmsl咩意思，係唔係俾支那人x過」，但有網民提番「上次個澳洲泳手（賀頓）唔肯同紫尿影相，Bogut Twitter 撐佢然後俾大陸人圍攻，依家佢應該心都涼哂」。唔少網民都認為，「不嬲夠疆」嘅保格喺澳洲地位高，根本唔怕啲小粉紅，而且講得就唔怕俾人洗板。
-------------------
《果GYM》隨身播 健身壹App過！