因為王菲一首《夢中人》，而令原唱嘅愛爾蘭樂隊TheCranberries，喺90年代被更多華人認識，然而樂隊主音DoloresO'Riordan，昨日就因為係飛機上鬧事而被捕。

話說現年43歲嘅Dolores，昨日凌晨乘坐愛爾蘭公司嘅航班，由紐約飛往愛爾蘭嗰陣，係機上鬧事，據知佢係機上先同空姐起衝突，令對方腳部受傷要送院醫治，而當飛機抵達當地嘅Shannon機場，警方登機逮捕Dolores時，Dolores又同警察發生衝突，最後整傷警察頭部，警察傷勢唔嚴重冇送院，反而Dolores就報受傷送院。

事後Dolores都要同愛爾蘭警方落口供，不過據講Dolores已經獲釋離開，愛爾蘭警方亦都唔會落案起訴佢，認真好彩。