雷有輝12.19音樂會隨時四度延期：我最關心係香港人嘅健康
蘋果日報 2020/12/04 18:20
雷有輝戲曲中心三度延期音樂會
歌舞群組引爆第四波武漢肺炎疫情，累計確診個案接近600宗，情況令人擔憂。張敬軒與香港中樂團演唱會避過「腰斬之劫」，在上月底順利在紅館舉行，但昨日衞生署公佈確診的4名23至33歲男女，在28日或以前去過紅館觀看張敬軒演出，結果英皇娛樂表示接獲通知後，迅速通知所有表演及工作人員，盡快進行檢測。
因為受疫情影響，太極樂隊主音雷有輝（Patrick）的《PAT Music Over Rainbow 雷有輝音樂會》三度延期，音樂會原定延期到12月19日和20日在戲曲中心舉行，但目前疫情比之前更為嚴峻，能否如期演出，暫時是未知之數。Pat哥今日被問到音樂會的最新情況，他說：「大家都知道第四波嘅來勢非常之凶狠，連日嚟都好多朋友都關心演唱會可唔可以如期舉行，但係對於我嚟講，呢個問題都係其次，我最關心嘅都係香港人嘅健康。」
Pat哥坦言大家為了疫情作出忍讓：「如果可以嘅話，當然係在家工作，減少外出嘅活動同敍餐，希望大家可以忍耐一陣，令疫情可以走下坡，我哋可以過番一啲正常嘅生活。」他還表示本來樂隊在今日開始綵排，但因疫情問題，決定順延到下星期才再決定：「不過大家唔使擔心，我哋一直都保持作戰狀態，如果音樂會可以順利進行，到時候會以最好嘅一面見大家。」最後他說：「我要再同大家講一聲唔好意思，希望大家可以忍耐多一陣，喺呢個幾禮拜可以有好轉，希望快啲雨過天青，彩虹好快會出現。」
對於音樂會一波多折，Pat哥曾說：「做咁多年演唱會都未試過咁！人生係咁㗎啦！今次係我第一次擔正嘅個唱，唔想有遺憾，那怕延到下年都會搞。做band友堅持，都係一份態度嚟嘅，亦係『Rainbow After Rain』嘅概念。」
Pat哥的音樂會未知會否如期演出。（FB截圖）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！