日本組合AKB48前成員秋元才加，噚晚喺節目中受訪，大爆未成名前過住嘅窮到燶生活，身為日菲混血兒嘅佢表示，其父經常飲酒，由佢懂事開始就沒做嘢，只得媽媽喺外面賺好少錢，因此都冇飽飯食，晚飯都只係食豉油撈飯，家中被斷水斷電已經係慣常事。而AKB未走紅時，工作人員知道秋元家貧，喺節目後剩餘嘅飯盒都比佢拎返屋企比家人食，簡直慘過粵語殘片。

秋元嘅舊隊友指原莉乃，今日獲雜誌《VOCE》選為年度美麗女性，結果被網友勁柴台，佢亦自嘲得知獲該獎時以為被整蠱。