【毀滅級彩蛋】彭浩翔扮王馨平唱《別問我是誰》 睇晒當你贏!
彭浩翔別問我是誰春嬌救志明
楊千嬅、余文樂主演,彭浩翔執導嘅電影《春嬌救志明》(春嬌3),截至噚日上映12日票房累計已經去到2,360萬元,即將打破上集《春嬌與志明》(春嬌2)保持嘅系列紀錄2,797萬元。
而導演彭浩翔喺上集《春嬌2》嘅時候,就喺戲院放咗一個佢扮王馨平唱《別問我是誰》嘅毀滅級彩蛋。又有闊邊黑邊帽配黑衫look,又有全白紮馬尾鋼琴邊扮文青打扮。當時要睇就要入戲院,導演話DVD同網上都冇得睇。不過導演見《春嬌3》個票房向住2,500邁進同即將破上集紀錄,所以將呢條片放上網分享之外,仲可以起沖喜第3集嘅作用。(片喺度: http://bit.ly/2qUG4k4 )
另外,身在廣州嘅彭浩翔今日接受《蘋果》訪問,話由同曾國祥主演嘅電影《冥通銀行大劫案》即將開拍,佢話:「目前喺等緊導演尹志文嘅劇本,有就隨時開得工。我做演員幾時都有期,喺做導演冇期之嘛。」