張堅庭茶餐廳生意大跌

蘋果日報 2003/04/11 00:00


張堅庭大前日下午和程介南在跑馬地表哥茶餐廳歎下午茶,二人有講有笑氣氛融洽。不過,記者事後向張堅庭了解時,他解釋其實是接受程介南專訪,張堅庭說:「程介南𠵱家喺某周刊做嘢,噚日佢以記者身份訪問我,大家講吓家庭講吓非典型肺炎,閒話家常一番啫。」

籲停供強積金
張堅庭表示,近日非典型肺炎令他茶餐廳生意額大跌,跑馬地店的生意額下跌一成多,而灣仔店情況最慘重,下跌三成有多,張堅庭說:「𠵱家飲食業咁慘淡,我建議政府最好暫時退番啲水、電、煤按金畀我哋,等我哋手頭上多啲現金周轉,重有就係可以停供三年強積金,減輕我哋僱主嘅負擔。」
採訪:何永寧