當年今日
關於我們

豪情勁食賀新歲
朱茵最愛發財好市十三么

蘋果日報 2004/01/23 08:00


朱茵早前抽空到花墟買年花,她表示在眾多年花中,比較喜歡水仙,她說:「我好鍾意水仙花嘅香味,放一盆喺屋企已經好香,不過我就唔識點樣整水仙頭,所以一直都係由屋企人負責。」

收利是被催婚
朱茵透露已經數年沒有與家人一起度歲,難得她年初一至三都放假,所以她回家跟家人歡度,順道在四方城上一決高下,她興奮地說:「我平時都唔會打麻雀,惟獨喺新年就會同屋企人打,到時會有好多親戚上我屋企拜年,可以𢭃利是之餘,又可以發吓新年財,我最希望今年可以食到一鋪十三么啦。」朱茵表示男友黃貫中亦會到她家拜年。
問朱茵收利是時會否被親友催婚,她說:「親戚追問就好正常,不過我唔會理,一於𢭃咗封利是先,而且我重好enjoy收利是嗰種感覺。」

愛吃廣東年糕
此外,朱茵表示在眾多新年美食中最喜歡吃髮菜蠔豉冬菇及年糕,她說:「我由細到大都好鍾意食髮菜同冬菇,而且廣東式嘅年糕都係我心頭好之一,不過我淨係識得食唔識得整,但係我都會盡量忍口,好怕食得多會增磅呀。」
問朱茵有何新年願望,她說:「最重要都係身體健康,如果唔係有工作都做唔到,有錢都賺唔到。」
採訪:李珮洳 攝影:仇志德
場地提供:山城花藝