當年今日
關於我們

李八方online︱袁嘉蔚獲保釋後開街站街坊叫「撐住」 引述之鋒叫大家着多件衫飲多啲水

蘋果日報 2021/01/19 19:17

袁嘉蔚

本月初遭警方國安處以參加去年民主派初選為名,喺警署拘押近40小時嘅南區區議員袁嘉蔚(Tiffany),獲准保釋後極速「歸位」投身地區工作,今朝6點幾已經喺田灣邨擺獲保釋後第一個早站,據佢喺FB透露,好多街坊都上前叫佢「撐住、唔好驚」,令佢好感動,形容不經不覺間已同街坊培養咗好深厚嘅關係,見到對方都有種安心感覺。
Tiffany擺完早站、去黃店快食咗個早餐後,即刻長途跋涉去大嶼山石壁監獄探望多年戰友、前香港眾志秘書長黃之鋒。Tiffany事後透露,之鋒目前狀態良好,更叫佢提醒大家都要著多件衫、飲多啲水,「佢(之鋒)無論點樣都會堅持住」。
探完之鋒後,Tiffany嘅工作未結束,轉過頭就去一個喺民政事務總署拒絕借場下,由民主派區議員自行召開、跟進抗疫工作嘅南區區議會會議,體力同毅力真係驚人!
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁