歐洲賽過後，周六日回歸聯賽；意甲聯賽經過首周賽事，初步已了解強弱形勢，今個周末力捧里賈納同烏甸尼斯對家。
里賈納因假波案被扣15分，以呢支近年都僅僅逃過護級線嘅中型班，基本上同判佢來季降班冇咩分別，球會同球員點提起鬥志；里賈納上仗作客對巴勒莫，落後3球之下，力追至3:4僅敗，引來唔少球迷憧憬，其實巴勒莫和里賈納同屬南部球會，有「做嘢」成份，今次里賈納回師主場，要讓蘇亞素、莫路艾斯普薛圖等有名氣球員壓陣嘅卡利亞里，點讓得起呀？
烏甸尼斯上季開季非常差，搞到長期護級咁滯；今季開「咧」亦都唔好，首戰已輸波。拖連奴今季成為都靈市唯一代表，肯定爭氣；首仗補時迫和對手，叫做有尾運，今次作客有權不敗，受讓半球下盤要追。

塔拉戈納可保不敗

西甲方面，畢爾包向來靠主場威力，不過首仗主場對江河日下嘅皇蘇都贏唔到，幾多料大家知；馬體會上仗輸畀華倫，屬非戰之罪，前鋒費蘭度托利斯停賽，今仗莊家仍然開出平手，證明喺佢哋心目中，馬體會有一定份量，客軍可捧。另外繼續追捧奧沙辛拿對家，奧軍聯賽連輸兩次，我哋連續追中兩次，理由唔使多講，支持塔拉戈納不敗。
文：牽牛